Davao City – Gikasubo sa mga lumolupyo sa Marilog District ang insidenteng pagpusil-patay sa kapitan ug asawa niini sa Gumitan, Marilog District ning syudad sa Davao alas-7 sa buntag niadtong Sabado, December 14, 2019.
Sa interbyu sa DXDC RMN Davao sa Marilog PNP, giila ang biktima nga si Fernando Banayao diin nahitabo ang insidente samtang skini nagbyahe pabalik sa ilang balay uban iyang asawa.
Sa post sa DXDC RMN Davao Facebook page, mi-comment ang usa ka netizen nga ilaha kining kapitan ug iyaha kining gikasubo pag-maayo.
Nasayran nga atol sa insidente, nadala pa sa ospital ang iyang asawa apan nabawi-an ra usab kini sa iyang gininhawa.
Nasayran nga aktibong nakigbisog batok New People’s Army (NPA) ang maong kapitan diin gideklara na niining persona non grata ang rebeldeng grupo sa ilang barangay.
Apan sa pagkakaron padayon gihapong ginasubay sa awtoridad ang motibo sa maong krimen.
RadyoMaN Kirby Manzon
