Koronadal City–Nagpadayon ang gihimong imbistigasyon sa Koronadal City police Office sa nahitabong pagpatay sa riteradong Police ug asawa niini kansa gipatay sulod mismo sa ilang panimalay sa Purok Maligaya, Barangay Magsaysay, Koronadal City.
Una nang nakaplagan sa trabahante sa magtiayong Arthuro Aquino, 68 anyos, retiradong pulis, ug si Erlinda Aquino,74 anyos, retired midwife ang ilang patayng lawas sulod mismo sa ilang panimalay nga adunay mag samad dinunggaban.
Sumala pa ni Police Lieutenant Rey Sotelo, deputy station commander sa Koronadal Police Station nga bandang alas 10:30 sa buntag dunay usa ka Melvin Ramirez ang nagsulod sa balay sa mag-asawa aron nga moinom lang unta ug tubig apan nakugang na lamang kini dihang iyang nakit-an ang babaye nga nagkadugo na ug wala nay kinabuhi sa kusina nga bahin hinungdan nga gilayon kining migawas ug miadto sa igsoon sa biktimang babaye aron ipahibalo ang panghitabo.
Kalabot sa maong balitga, sa pagbalik niini kauban na ang igsoon ni Erlinda nakit-an usab nila si Arturo nga wala nay kinabuhi sulod sa kwarto nga susamang nakaangkon ug daghang samad dinunggaban sa lawas nga hinungdan sa ilang kamatayon.
Gipaklaro usab ni sotelo nga ang maong lalaki ang kanhi matud pang chief of police sa Police Station 4 sa Gensan.
Sa kasamtangan padayon ang gihimong imbestigasyon sa kapulisan gumikan kay blanko pa sila sa motibo sa krimen ingon man sa ilhanan sa mga suspek gumikan kay basi sa mga imbestigador wala man silay nakitang force entry sa panimalay sa mag-tiayon.
