General Santos City–Nagpabilin pang blangko karon ang Police Station 4 kung asa nahimutang karon ang OIC Manager sa KAPA nga si Remely Iral, hamtong ang panuigon nga nanimuyo sa Barangay San Isidro ning syudad human nga giingong gidagit matud pa kini sa wala mailhing suspect sa dihang gi-atangan sa mga responsable ang sakyanan niini ug gipatay ang driver body guard sa nahisgutan.
Sumala pa ni Police Major Alex Lanestosa ang hepe sa Police Station 4 nga sa kasamtangan padayon ang makuting imbestigasyon nga ilahang ginahimo kabahin na sa maong pagpamusil patay sa driver body guard ug pagdagit sa OIC manager sa KAPA.
Nakig-alayun naman usab ang kapulisan karon sa pamilya ni Iral aron sayron kung aduna ba silay nadawat nga mga tawag gikan sa mga suspect apan hangtud sa kasamtangan wala pay response ang mga nasangpit.
Gipaabot nalang usab karon sa kapulisan nga mugawas ang resulta sa gipahigayong pag suta sa Anti Cyber Crime Office kabahin na sa mga ulahing tawag ug text nga nadawat sa nahisgutan. (Dave Silagan)
