Gibutyag ni Cagayan de Oro City Police Office o COCPO Spokesman Supt. Mardy Hortillosa nga all system go na ang ilang security plan alang sa duha ka adlaw nga kasaulogan sa mga Santos ug Kalag.
Matud ni Hortillosa na ipatuman nila og mayo ang ilang mga security plan pinaagi sa pag-supervise sa mga personnel sa mga supervisor.
“Be security conscious all the time in watching their respective area of assignment” gidugang ni Hortillosa.
Sa Misamis Oriental,
Wala magpa-ulahi si Governor Yevgeny Bambi Emano sa ilang security preparation sa “Oplan Kaluluwa” matud pa ni Fernando Dy ang Hepe sa Provincial Disaster Risk Reduction Management Office sa kapitolyo.
Matud ni Dy nga lakip sa ilang security preparation ang pagbantay sa 77 ka pampublikong sementeryo ug 13 ka pribadong sementeryo sa tibuok probinsya sa Misamis Oriental.
Magbutang sila og mga personahe sa mga sementeryo, tanang responders ug naka-standby ug andam ang mga assets sa gobyerno.
Gibutyag ni Dy nga sugod karong adlawa Oktubre 31 sa alas singko sa hapon ipa-ilawom ni Governor Emano sa Blue Alert ang tibuok lalawigan.
Gipasabot ni Dy nga ang Blue Alert molungtad sa alas otso sa buntag sa Nobyembre singko.
