*General Santos City— Ginahimo sa kapulisan sa Gensan ang tanan aron nga mahatagan ug pagtagad ang tanang kaso sa krimen hilabina ang mga naga-kahitabong patay.*
*Pamahayag ni Pol. Col. Aden Lagradante, City Director sa Gensan City Police Office luyo pa man sa mga hagit kanila isip mga pulis, hilabina nga dili lang para sa operasyon ug adminitratibo ang ilahang trabaho, ilahang ginapaningkamutan nga mahimo ang ilahang mga tahas aron maserbisyuhan ug ma-protektahan ang publiko.*
*Dugang pamahayag ni Col. Lagradante nga sa karon nagpabiling kontrolado sa kapulisan sa gensan ang sitwasyon ug gi-angkon niya nga dakong tabang ang suporta nga ginahatag sa katawhan.*
*Samtang giklaro niya nga ang mga pagbatikos kanila ang makonsidera nilang normal isip mga trabahante sa gobyerno ug gi-angkon nga usahay ilaha usab kining gikinahanglan aron nga madasig sa paghimo sa ilahang trabaho.*
