General Santos City–Mas pakusgan pa sa kapulisan ang pagbantay sa seguridad hilabina sa pagsugod sa bulan sa Disyembre kung asa sunod-sunod ang mahimong mga okasyon. Sumala kang Police Col. Gilberto Tuzon, City PNP Director sa Gensan City Police Office nga sa karon andam sila sa unsa mang kabag-uhan nga ipatuman sa Gensan.
Gipaniguro usab niini nga andam kanunay ang kapulisan sa dakbayan aron nga hatagan ug proteksyon ang katawhan. Aminado ang opisyal nga dungan sa pagsugod sa bulan sa Disyembre dili gyud malikayan nga motaas ang mga petty crimes sama sa pagpangawat, pagpanglabni ug uban pa.
Tungod niini nanawagan ang opisyal sa publiko nga dapat dili gyud hatagan ug oportunidad ang mga kriminal nga makahimo ug krimen ug ireport gilayon sa pinakaduol nga kwerpo sa kapulisan higayon nga duna silay masayran nga tawong nahilambigit sa krimen o dili ba kaha sila biktima sa krimen aron nga gilayong marespondihan sa kapulisan. (LVR)
