Nakafull alert karon ang kapulisan sa tibuok Region 10 alayon sa nahitabong duha ka pagpamomba sa Jolo, Sulu kagahapong adlawa.
Matud ni Police Regional Office 10 Spokesperson Police Supt. Surki Sereñas nga kini ang mando ni PRO 10 Director Timoteo Pacleb.
Samtang gibutyag usab ni Director Pacleb nga ginahimo karon sa kapulisan nga magpabiling luwas ang tibuok Northern Mindanao ug naghangyo sa katawhan nga magmabinantayon.
Nakig-alayon na usab ang PRO 10 ngadto sa Armed Forces of the Philippines ug uban pang stakeholders aron masigurong luwas ang mga syudad ug probinsya.
Samtang, hugot usab nga gikondena sa kapulisan ang nahitabong pagpamomba nga gikamatay sa mga inosenteng mga biktima.
Gidugang ni Director Pacleb nga padayon usab ang paningkamot sa kapulisan nga mahatagan og hustisya ang mga biktima ug naningkamot nga makab-ot ang kalinaw sa Mindanao.
