General Santos City— Padayon ang ginahimong koordinasyon sa kapulisan ngadto sa intel unit ug intel community aron nga masigurong dili malutsan ug terorista ang rehiyon 12.
Sumala ni Police Superintendent. Aldrin Gonzales, tigpamaba sa Police Regional Office 12 nga wala sila nagapagasad sa pagbantay sa siguridad hilabina nga adunay mga ginamonitor nga mga lokal nga terorista sa rehiyon.
Ang maong pamahayag ang gipagawas human gi-angkon sa us state depatment nga giila sa isis si sahib hajansawadjaan nga lider sa grupong abu sayyaf isip bag-ong emir sa isis sa nasud.
Sa kabahin sa militar, gibutyag ni Major General Cirilito Sobejana, Commanding Office sa 6th infantry division nga padayon ang ilahang ginahimo nga operasyon batok sa mga teroristang grupo sa ilahang area of responsibility sama sa Bangsamoro Islamic Freedom Fighters kon BIFF.
Gani ilaha matud pa nga gina-sustain ang maong operasyon hilabina sa paksyon ni Abo Toraye nga usa ka Daesh inspired group.
Kung asa bag-uhay lang ilahang nasulod ang laing kampo sa maong grupo sa Datu Salibo Maguindanao kung asa ubay-ubay nga mga armas ang narekober ug mga sobersibong dokumento*.*
