Manila, Philippines – Nagsagawa muli ng balasahan sa hanay ng matataas na opisyal ng Philippine National Police.
Epektibo bukas (Sept 11, 2018), uupo na bilang Regional Director ng Zamboanga Peninsula o region 9 si Police Chief Supt Emmanuel Luis Licup.
Si Licup ay dating regional director ng MIMAROPA o region 4B na ngayon ay pamumunuan na ni Police Chief Supt Tomas Apolinario Jr na dating Southern Police District Director.
Itinalaga naman si Police Senior Supt Eliseo DC Cruz bilang bagong Southern Police District Director.
Epektibo naman ngayong araw, ipwenesto bilang Regional Director ng CARAGA Region o Region 13 si Police Chief Supt Gilberto Cruz.
Habang si Police Chief Supt Noli Romana ay itinalaga bilang Deputy ng Directorate For Integrated Police Operations in Eastern Visayas.
Sinabi naman ni PNP Spokesperson Sr Supt Benigno Durana, inaprobahan ni PNP Chief Oscar Albayalde ang regodon batay na rin sa rekomendasyon ng PNP Senior Officers Placement and Promotion Board.
