21.1% ka mga kabus sa Caraga mga Babaye sigun sa DSWD Nagpagawas ug datus ang DSWD Caraga sa estado sa kababayen-an ning rehiyon subay sa obserbasyon sa Womens Month ning buwan sa Marso.
Sa maong datus, mokabat sa 21.1% sa mga kabus ning rehiyon pulos mga babaye diin miabot kini sa 300,147 nga nag-edad ug 18 anyos hangtud 59 anyos. Ang labing daghang kabus nga mga babaye didto sa Agusan del Sur nga adunay 92,632; gisundan sa Surigao del Sur 73,979; Agusan del Norte 66,845; Surigao del Norte 52,654 ug Province of Dinagat Island 14,037 tungod kay anaa sa tulo sa upat ka mga kababayen-an ang walay mga trabaho.
Nasayran nga anaa sa 6.4% sa mga kabus nga kababayen-an ang anaa lamang sa panimalay, 7 sa 10 ka mga babaye’ng kabus mao kadtong mga “solo parent” nga nagpangidaron ug 18 hangtod 49 anyos. 1.5% sa mga babayeng kabus ang adunay kabilinggan (persons with disbalitiy) samtang anaa sa 18.9% ang nalakip sa indigenous people (IP).
Hinoon wala gipasagdan sa DSWD ang estado sa mga kababayen-an tungod kay sa nakalabyang Womens Summit ug Regional Gender and Development gihisgutan ang kalabot sa Franchising, Empowering Women through knowlegde on Government Services, Human Rights, Loan ug mga programa kabahin sa civil registration.
Chat Conversation End
Type a message… [image: wom.jpg]
