Natalana nga iga file ang kaso nga paglapas sang R.A. 10591 ukon illegal possession of firearms batuk sa 60 anyos nga lalaki matapos makuhaan sang armas luthang sang katapo sang CIDG-Bacolod.
Nakilala ang suspek kay Joel Dela Cruz Sr., residente sang Grandville 2 Brgy. Mansilingan syudad sang Bacolod kag ini ang nakuhaan sang calibre 45 nga pistola kag isa ka magazine nga may tatlo ka wala pa nakalupok nga bala.
Si Dela cruz ang nagbaligya sang calibre 45 sa bili nga biente mil pesos (P20,000) sa isa ka nagpakilala buyer nga myembro sang CIDG.
Suno sa CIDG-Bacolod, sa ila nga pag- surveillance kay Dela Cruz antes ini nadakpan sa Hermelinda Homes, Barangay Mansilingan syudad sang Bacolod sang Biernes, Nobyembre 27, nagabaligya man ini sang armas sa mga lugar sa guwa sang syudad sang Bacolod.
[image: image.png]
