Kalibo, Aklan — Umabot sa haeos 12,000 ro bag-ong kaso it Human Immunodeficiency Virus – Acquired Immune Deficiency Syndrome o HIV-AIDS rong narekord it Department of Health (DOH) ko 2018.
Raya hay mas mataas kumpara sa nairekord nga kaso ko 2017.
Base sa HIV/AIDS registry it DOH-Epidemiology Bureau, sa 11,427 HIV-AIDS cases rong narekord ko nagtaliwan nga dag-on.
Ap-at nga kaso kara hay mga nabdos kung siin tig sangka kaso hay narekord sa National Capital Region (NCR), Cagayan Valley, Central Luzon ag Calabarzon.
Halin sa 877 cases nga narekord ko Disyembre 2018, 281 kara hay may edad 15 hasta 24, 479 cases hay sa 25 hasta 34-anyos.
Sa 162 cases rong may edad 35 hasta 49 samtang 15 ka kaso rong narekord nga may edad 50-anyos pataas.
Suno sa DOH, rong nagapanguna nga dahilan sa pag eapnaag it sakit hay sa pamaagi it pakikipag sex.
Umpisa Enero 1984, nag abot eon sa 62,029 cases rong narekord it DOH.
Nagpanawagan rong DOH sa mga ‘at-risk’ nga magpaidaeom sa testing ag kung ingkasong magpositibo hay pagasiguraduhong mataw-an sanda it libreng anti-retroviral treatment.
