Mi-ubos na ang ihap sa mga biktima sa sakit nga dengue dinhi sa Cagayan de Oro matud pa ni Councilor Malou Gaane, Chairman sa Committee on Health sa City council.
Ang pahayag ni Gaane basi sa weekly monitoring reports sa Department of Health gikan sa record sa tanang private ug government hospital ning syudad sa Cagayan de Oro.
Matud ni Gaane nga sigon sa report ni City health officer Dr. Fe Bongcas nga mikanaog ang ihap sa nga nagka sakit sa dengue ning syudad human ilang gilunsad ang Oplan kontra dengue niadtong Agusto 20.
Gibutyag ni Gaane nga tungod niini, gi-declare sa mga health officials ning syudad nga epektibo ang city wide clean up drive nga ilang gitawag nga Oplan kontra dengue.
Matud ni Gaane nga walay mas epektibong paagi aron pagsumpo sa sakit nga dengue gawas lamang sa kanunay nga paglimpiyo sa palibot.
