Nisaka ug 24 porsyento ang kaso sa dengue sa probinsya sa South Cotabato kumpara sa datos sa nakalabayng tuig, subay sa datos sa Integrated Provincial Health Office gikan bulan sa Enero hangtud sa Hunyo 7, 2021.
Matud ni South Cotabato IPHO mosquito borne disease coordinator Jose Barroquillo mokabat sa 728 ang narekord nga kaso sa dengue sa probinsya gikan sa Enero 1 hangtud sa Hunyo 7 kumpara sa nakalabyng tuig nga may 589 ka kaso sa dengue sa susamang period.
Pagpaklaro pa ni Barroquillo nga bisan nagsaka ang kaso sa dengue sa probinsya wala pa kini nag-abot sa epidemic ug alert threshold subay sa surveillance report nga naggikan sa kabarangayan, munisipyo sa probinsya.
Sa uwahing datos sa IPHO adunay unom nga namatay gumikan sa dengue nga gikan sa Koronadal, Lake Sebu, Norala, Tampakan, Tantangan ug Tupi.
