South Cotabato— Misaka ug 17 porsyento ang ihap sa mga nabuthan sa probinsya sa South Cotabato atol sa pagsaulog sa pasko ug pagsugat sa bag-ong tuig.
Sumala pa nga miabot na ngadto sa 48 ang ihap sa mga biktima sa pabuto basi sa tala sa Provincial Health Office gikan Disyembre 21 ngadto na Enero 4.
Sumala kang Dr. Rogelio Artudido, Provincial Health Officer sa South Cotabato nga ang Koronadal, Banga ug T’boli ang adunbay pinaka-taas nga naitalang biktima nga adunay tag-siyam, nga gisundan sa Polomolok, Tupi ug Surallah nga adunay tag lima ka mga biktima, ang Lake Sebu adunay tulo, duha gikan sa Tampakan ug tag usa ang Sto. Niño ug Norala.
Sagad matud pa sa mga biktima ang nakaangkon ug paso sa ilahang mga kamot samtang ang uban ang mabuthan gyud ang mga kamot. Anaa sa 2 anyos ang pinakabata nga naitalang biktima sa pabuto samtang 48 anyos ang pinaka-tigulang nga biktima.
