BACOLOD CITY – Gina-remind sang Bacolod City Health Office (CHO) ang publiko ilabi na ang mga ginikanan nga indi gid pagkalimtan ang pagpaninlo sa sulod kag gwa sang balay ilabi na ang gina-itlugan sang lamok.
Ini matapos nga nagsaka sang kapin 84 porsyento ang kaso sang Dengue sa Bacolod sa sulod sang anum ka bulan.
Sa record sang City Health Office, naglab-ot na sa 530 ang kaso sang dengue humalin bulan sang Enero tubtob Hunyo 2017 kon diin sang nagligad nga tuig 2016 ang record nagdangat lang sa 290 ka kaso.
.
Lakip sa mga barangay nga may mataaas sang kaso sang dengue amo ang Brgy. Vista Alegre, Mansilingan, Granada, Handumanan, Mandalagan, Villamonte, Estefania, Banago, Alijis kag Brgy. Taculing.
Ini ang mas mataas sang kapin 84 percent ikumparar sa 290 cases sang nagligad nga 2016.
Suno sa head sang Environment and Sanitation Head – Dr. Grace Tan, nga kapin sa 51 tanan ang confirmed dengue cases sa Bacolod sa sulod gid lamang sang duwa ka semana.
Tags: Visayas, Bacolod, dengue,
