Gibasura sa Department of Justice o D-O-J ang kasong illegal possession of firearms and explosives batok sa Tunisian nga giingong miyembro sa ISIS.
Base sa resolusyon ni Senior Assistant State Prosecutor Peter Ong, walay probable cause sa reklamong gipasaka sa PNP – NCRPO batok sa langyawng si Fehmi Lassquoed alyas Haytham Abdulhamid Yusof ug sa pinay live-in partner niining si Anabel Moncera Salipada.
Sa reklamo sa PNP, narecover ang mga explosive niadtong Pebrero 16 sa kwartong gipuy-an nila Lassquoed ug Salipada sa Ermita, Manila.
Hinoon, wala kini mitugma sa mga gilatag nilang ebidensya.
Nigawas usab nga wala sa sulod sa kwarto sa casa blanca apartment si Lassquoed sa dihang mihimo ang mga otoridad sa search operation.
Aminado usab ang arresting officers nga wala sa hulagwayng giprisenta nila sa D-O-J sila Lassquoed ug Salipada.
-o0o-
web photo
