Kasong pagpanglugos, nahitabo sa Lanao del Norte; suspek gilayong nasikop

30

Gilayong nasikop sa kapulisan ang suspek sa pagpanglugos sa 27 anyos nga babaye human nahitabo ang kremin, alas-4:00 sa kadlawon kagahapon, Dominggo, Nobyembre 17, sa Purok 3, Barangay Balili, lungsod sa Kapatagan, Lanao del Norte.

  Sa report sa information office sa Provincial Police Office sa Lanao del Norte, pa-uli matud pa sa iyang panimalay ang biktima dihang iyang nakit-an ang suspek nga giilang si Roder Rabago nga residente ra usab sa maong barangay.


  Matud pa ni Major Salman Saad, information officer sa PPO LDN, giasoy sa biktima nga gibira siya sa suspek paingon ngadto sa kasagingan ug didto gihimo ang kremin.

  Daling miikyas ang suspek apan nadakpan kini didto sa iyang panimalay human daling nakasumbong ang biktima ngadto sa pulis.

  Anaa na ang suspek sa kostudiya sa Kapatagan Municipal Police Station ug gitakdang pasakahan og kaso karong adlawa.

Facebook Comments

From Advertisers