Ginaadvice ni Dr. Rogelio Aturdido Jr. Provincial Health Officer sang South Cotabato sa mga pumuluyo dire sa probinsya nga kon may ginabatyag sa lawas gilayon nga magpadulong sa health center sa lugar agud nga mahatagan sang bulong kag indi hulaton nga maglala pa ang balatian nga mangin tunaan sa paglanding sa hospital.
Ini matapos suno kay Dr. Aturdido nga sa subong nga panahon halos puno ang mga government hospital partikular na ang South Cotabato Provincial Hospital amo nga may makit-an na naman nga pasyenti sa alley sang balay bululngan.
Kadam-an naman suno pa sang mga naadmitir sa subong sa mga hospital ang mga bata tungod sa balatian epekto sang sitwasyon sang panahon sa subong.
Facebook Comments
