AGOO, LA UNION – Pinasinayaan ang kauna unahang Facemask Production facility na inaasahang magsusuplay ng facemask sa buong Region 1.
Kasama sa nasabing aktibidad ay si DTI Regional Director Grace Falgui-Baluyan, DTI La Union Provincial Director Merlie D. Membrere, DOST Regional Director Armando Ganal at iba pang mga kawani ng DTI.
Tinawag na ‘safetech’ ang brand ng nasabing 4-ply surgical facemask, na produkto ng isang local manufacturer sa lalawigan katuwang ang DOST.
Saad ni DTI Regional Director, Grace Baluyan, magandang produkto ito ngayong pandemya dahil sa ganitong pagkakataon ay makaksiguro ang rehiyon na hindi magkukulang ang suplay ng facemask.
Samantala, tiniyak naman ng ahensya na masusunod ang SRP o starting retail price ng nasabing produkto. |ifmnews
