Roxas City, Capiz – Nagapalangurog sang nagpadulong sa Roxas City PNP ang isa ka manunudlo matapos gintuyo nga sudlon sang isa ka persona nga ginaalegar kawatan ang gina-istaran sang mga ini nga apartment nga nahamtang sa Brgy X sining syudad.
Suno sa amu nga tagreklamo, nagbugtaw siya mga alas 3 sang kaaganhon agud nga magpreparar sang pamahaw sang iya bata kag magtuon sang lesson. Apang ginkakibot sang amo nga ginang sang nakabati ini sang kulas malapit sa ginahalayan sang ila nilabhan kabangdanan nga iya ginkadtuan kag didto nadiskubrehan sini nga may yara sang isa ka wala makilala nga persona nga nagapatupong sa madulom nga porsyon.
Posible nga ini man ang nakibot gani nga madasig nga nagtaklas sa bintana kag dali-dali nga nagsakay sa traysikol nga nakaparking mga tatlo ka metros ang kalayuon.
Natigayon nga makuha sang nasambitan nga persona ang isa ka panty kag bayo nga nahalay.
photo(c)- from web
