SAN ENRIQUE, NEGROS OCCIDENTAL – Kapin sa P80 mil pesos nga cash ang gindagit sang kawatan halin sa isa ka mini-grocery store sa banwa sang San Enrique sang nagligad nga Martes, October 2.
Si Jaime Oh, 64 anyos ang edad, residente sang Purok Makawiwili, Brgy. Sibucao, San Enrique ang nagpadulong sa Sang Enrique Municipal Police Station agud ipa-record nga sadtong nagligad nga Martes, Oktubre 2 ginsulod sang wala makilala nga kawatan ang iya mini-grocery store.
Nadiskubrehan sang biktima nga nadula ang iya kapin P80 mil pesos nga ash, 2 ka cellphone loader nga may unod pa nga P3 mil pesos nga load.
Base naman sa CCTV footage, makita ang kawatan nga naglumpat sa pader sang ila compound kag gin-guba ang doorknob sang iya store.
Wala nakita ang nawong sang suspek sa CCTV bangud naka-kalo ini apang kit-anon naman ang tattoo nga damang sa iya li-og./dyHB BACOLOD
