NEGROS OCCIDENTAL – Ginklaro ni Police C/insp. Amilyn Vargas, spokersperson sang Police Regional Office 18 nga wala sang kamatuuran ang mga nagalapta nga mga text messages nga may grupo sang tawo nga naghalin sa Metro Manila nga naga pang-kidnap sang mga kabata-an kag kababainhan sa sur nga bahin sang Negros Occidental.
Suno kay Vargas nga indi matuod ang ginasiling pagkadakup sang isa sa mga suspek sa ciudad sang La Carlota nga may nabiktima na nga mga kabataan.
Nahibaluan nga sa naglagaw nga text messages, ginsiling diri nga ang grupo yara karon sa banwa sang La Castellana kag nagaplano pa gid nga magpadayon sang ila aktibidad.
Ginklaro sang PNP PRO-18 nga wala man nila ginabalewala ang kaangay nga mga imporamsyon ilabi na kay ang detalyado ang mga ini kaangay sang plate numbers kag pag-describe sang ginasiling salakyan sang mga suspek, apang indi naman ini dapat nga maghatag sang kakulba sa publiko.
Tags: Visayas, Bacolod, Negros, kidnapping, fake news
