Sa interview sa RMN Malaybalay ngadto kang Valencia City Information Officer, Samuel Langob, gibutyag niini nga as regulated sa kamanduan, muabot sa 1350 ka mga motorela ang gitugutan nga makabiyahe sa dakbayan sa Valencia.
Apan walay labot niini ang mga bao-bao diin gihikaw pa nga makabiyahe sa sentro nga bahin sa dakbayan ilabi na sa mga ruta sa motorela.
Epektibo na usab ang P2.00 nga pagsaka sa mga pletehan sa motorela sugod adtong Miyerkules.
Sigon pa ni Langob nga patas ra alang sa mga drayber ug mga pasahero ang maong kantidad sa pagsaka sa pletehan gumikan napud sa gataas nga presyo sa gasolina.
Dugang niya mga miagi kini sa makoti nga pag-analisa sa mga tigdumala sa City Motorela Franchising and Regulatory Board (CMFRB) maong igo ra ang maong kantidad nga gipasaka.
Man gani, pagklaro pa ni Langob nga mas taas-taas pa ang gipangayo nga pagsaka sa mga motorela drivers apan P2.00 lang ang naaprobahan tungod kay gitugutan naman usab ang full capacity sa pagsakay sa mga pasahero.
