Duha nasikop sa drug buy-bust operation

Gibalhog na sa bilangguan ang duha ka personalidad nga nasikop sa pagpayuhot sa illegal nga droga atol sa operasyong gipahigayon sa mga kapulisan takna alas 11:51 sa buntag adtong Sabado didto sa Purok-21, Barangay Casisang, Malaybalay City, Bukidnon.

Giila ang mga nadakpan nga sila Nestor Torayno, 41 years old, minyo, ug residente sa Phase 1, Kubayan, Barangay Casisang, Malaybalay City, Bukidnon ug si Nestor Albacite, 31 anyos, adunay ka live-in , Security Guard, ug residente sa Purok-20, Barangay Casisang, Malaybalay City, Bukidnon.

Nakompiska gikan sa mga suspetsado ang upat ka heat sealed plastic sachet nga mikontinar og drogang shabu nga mitimbang og 0.45 gramos ug gibana-banang mukantidad og P 3,060.00. Narekober usab ang usa ka P500 bill, usa ka unit sa Nokia Cellphone, ug usa ka Bajaj nga motorsiklo.

Gidala na sa Malaybalay City Police Station ang mga suspetsado lakip ang mga nakompiskang ebidensya nga iturn-over sa Bukidnon Provincial Forensic Unit alang sa eksiminasyon.

Samtang mag-atubang sa paglapas sa Article II, Sections 05, 11, ug 26 sa RA 9165 kon Comprehensive Dangerous Drugs Act of 2002 ang mga dinakpang suspetsado.