KINONTRA | Panukalang pagmultahin ang mga nuisance candidate, tinutulan ng isang COMELEC Commissioner

Manila, Philippines – Kontra si COMELEC Commissioner Rowena Guanzon sa panukala na parusahan ang mga “nuisance” o panggulong kandidato sa eleksyon.

Ayon kay Guanzon, tutol siya sa panukala ni Senador Sherwin Gatchalian dahil posibleng hindi na tumakbo ang mga indibidwal na maituturing na “underprivileged” o kapos sa pinansyal na aspeto.

Maituturing aniyang “discriminatory” ang nasabing panukala.

Trabaho rin naman aniya ng COMELEC na salain kung sino ang mga maituturing na “nuisance candidate.”

Sa panukala ni Gatchalian ,papatawan ng P50,000 multa ang mga indibidwal na madedeklara bilang “nuisance.”