Nagpaguwa sang Executive Order sa pagsuspende sang klase sa tanan nga level buas nga adlaw Pebrero 7 ang banwa sang La Castellana bilang pag-pangaman sa posible kuntaminasyon angut sa isa ka persona nga na identify kag gina monitor nga may yara sang travel history abroad ukon halin sa HongKong nga apektado sang corona virus.
Suno kay Mayor Rhumayla Mangilimutan sang La Castellana sa interview sang DYHB, ang ini nga persona ang ginpaidalum sa katorse diyas nga incubation period ukon pag quarantine kag sa sulod pa lang sang napulo ka adlaw ini ang nakitaan na sang mga sentoma sang 2019 novel Corona Virus (2019nCoV).
Nagpanawagan man ang Alkalde sa mga ginikanan nga kun ang ila mga kabataan may yara sang ubo, hilanat kag trangkaso nga indi na pagpa eskwelahon kag ipa-konsulta gid sa gilayon. Dugang pa sini sa mga pumuluyo nga indi magkahadlok kag mag panic bangud ang gobyerno ang wala nagapabaya kag handa gid magbulig angut sa kaso sang corona virus.
[image: image.png]
