“30-40-50.”
Raya ro mga kantidad nga kaeabanan nga nababaton it mga tricycle drivers halin sa mga naga biyahe it L300 van paagto sa Caticlan ag Roxas City kung sanda hay makahatod it pasahero sa andang terminal.
Sa interview it RMN-DYKR kay Johnny Damian, presidente it Federation of Kalibo Tricycle Operators and Drivers’ Association Inc. (FOKTODAI) uwa imaw nalipay sa mga naga komisyon nga mga drivers halin sa mga van drivers bangod nga nabubue-an it kahigayunan do mga pasahero kung siin sanda gusto magsakay.
Mag-eowas kara hay naga tuga raya it kumpitisyon sa mga transport sector ag naga pahina raya sa ibang mga naga biyahe nga uwa naga tao it insitibo.
Dugang ni Damian nga imbes nga taw-an it kumisyon do mga tricycle drivers hay bawasan lang do mga pamasahe ko mga pasahero nga ga sakay it L300 Van.
Sa pagpangusisa it RMN-DYKR Kalibo sa mga tricycle drivers, uwa sanda nalipay nga bue-an sanda it kahigayunan dahil para kanda hay mabahoe daya nga bulig sa anda nga pagpangita adlaw-adlaw pero do mga driver man it mga van hay mas gusto nga pundohon do pag-tao it komisyon bangod do pamasahe malang it pasahero do andang nasaligan nga pangabuhian.
