Wala makig coordinate sa City Health Officials ang usa ka kompanya sa 44 anyos nga cashier nga taga Barangay Agusan sa dihang nagpahigayon silag Rapid testing sa ilang mga empleyado.
Mao kini ang gibutyag ni Dr. Joselito Retuya ang Epidemiologist sa City Health Office.
Apan matud ni Retuya nga ayha ra nakig coordinate sa City Health ang maong kompanya sa dihang nakit-an sa mga health officials nga nag-positive na sa Covid-19 ang ilang usa ka empleyado.
Matud ni Retuya nga mao kini ang ikaduhang kompanya ning syudad nga sa sinugdanan wala makig coordinate sa mga health officials sa ilang paghimog rapid test sa ilang mga empleyado.
Sa pikas nga bahin, gipahayag ni Mayor Oscar Moreno nga nagsulat na kaniya ang usa ka private laboratory nga maoy nagpahigayon sa rapid test sa mga empleyado sa maong multi company.
Matud sa Mayor nga nangayog pasaylo kaniya ang Free Standing Laboratory sa ilang wala pagpananghid sa City Health sa ilang paghimog private rapid testing sa Covid-19.
-o0o-
