Mas nagkainitay karon ang kompetisyon sa Tatak RMN Singing MB human nga naangkon sa taga Nabuntoran, Davao De Oro ang kadaugan sa gipahigayong 2nd Monthly Finals sa maong kompetisyon kagahapon diri sa RMN News Center, Purok-2, Barangay San Jose, Malaybalay City, Bukidnon.
Gipangunahan ni Judy Crisostomo Loyola, nga taga Nabuntoran, Davao De Oro ang maong kompetisyon pinaagi sa iyang kaugalingog areglo sa awitong “Kahit Isang Saglit” nga gipasikat ni Martin Nievera.
Sulod na sa Grand Finals si Loyola sa umaabot bulan sa Disyembre diin mamahimong makaagbat niini ang una ng nakasulod nga silang Jissiel Estrada ug Robert Sumagang.
Lakip usab nga nakasulod si Rocky Rosano nga taga Barangay Danggawan, Maramag, Bukidnon human nakuha niini ang ikaduhang pwesto.
Si Jun Sasil nga taga Barangay Bala Oro, Kadingilan, Bukidnon ang nakakuha sa ikatulong pwesto.
Miawit usab silang Devie Love Berdin nga taga Barangay Casisang, Malaybalay City ug si Jhoan Sumagang nga taga Barangay Jasaan, Cabanglasan, Bukidnon.
Facebook Comments
