Gikondena kuman sa tibuok kongregasyon nan Jehovahs Witnesses an taghimo na pagpangatake sa NPA kahapon sa Gigaquit SDN na miresulta sa pagkamatay sa ila Pastor sanan pagkasamad sa duha ka misyonaryo nila samtang nagpahigajon nan pagsangyaw sa pulong sa Ginoo sa mga residente sa Brgy. Lahi sakop sa lungsod nan Gigaquit..Sumaya pa sa ila pamahayag na subo palandungon an nahitabo sa ila mga kaibanan na misyonaryo na naangin sa sajop na mga kawsa sa CPP-NPA. “Mao ba ni an ila kawsa na isa ka sajop sanan supak sa tawhanong katungod?” Tagpanghinaut sa tibuok kongregasyon nan Jehovahs Witnesses na mahatagan nan hustisya an kamatayon ni Pastor Jepti Acido sanan an pagkasamad nila Virgil Flor Ortiz sanan Adner Malaque. Dugang pa sa ila pamahayag na an mga rebelde nagpakita lamang na way respeto sa mga sibilyan kay ya may gipili sa ila pagnamastamas o pag abuso lakip isab an way pagtoo sa Ginoo sa ila kinabuhi.
