Konsehal Abaday, giangkong gi-anunsyo nga dunay polis nga protektor sa illegal nga sugal

Giangkon ni Konsehal Roger Abaday nga iyang gi-anunsiyo nga adunay mga polis nga protector sa illegal gambling.

Apan giklaro niini nga ang maong anunsiyo iyang gibasi sa pahayag ni Presidente Rodrigo Duterte atol sa gihimo niini nga State of the Nation Address kon SONA.

Dugang pa ni Kon. Abaday nga gani karong umalabot nga adlaw, hukasan og mascara kining mga local officials nga nalambigit sa korapsiyun sa Philippine Charity Sweepstakes Office kon PCSO.

Matud ni Konsehal Abaday nga maayo kini nga lakang, aron nga dili madalahig  kadtong mga local officials, nga nagtarong sa ilang trabaho ug tinuoray nga nagserbisyo sa katawhan.