Mipalag si City Councillor Teodulfo Lao Jr. sa bag-ong pagsaka sa presyo sa gasolina nga gipatuman sa mga oil companies kagahapon sa buntag.
Matud ni Lao nga tungod niini iyang ipasaka sa ilang session sa Lunes sunod semana ang usa ka resolusyon aron hangyoon ang administrasyon ni Presidente Duterte nga i-suspenso lang una ang pagpatuman sa excise tax nga gipatong sa presyo sa produktong petrolyo.
Gibutyag ni Lao nga mao lamang kini ang iyang mahimo isip Chairman sa Committee on Energy.
Gidugang ni Lao nga wala nay mahimo ang gobyerno kay ang pag-control sa presyo sa gasolina nagdepende sa diktar sa presyo sa World Market.
Facebook Comments
