Nagka sinabot ang majority member sa City Council nga ilang i-review ug imbestigahan ang kontrata sa 858 department store tali sa city hall sa ilang pag-rental sa maong chinese businessman sa dakong luna sa Mercado sa Cogon ning syudad sa Cagayan de Oro.
Kini human sa reports ni Councilor Edgar Cabanlas, kinsa mi-ingon nga ang kontrata nga gipirmahan sa 858 department store ug sa panahon ni kanhi mayor, anghing Dongkoy Emano, dakong disadvantageous sa katawhan ning syudad
Matud ni Cabanlas nga dapat i-review ug imbestigahan sa Committee as a whole sa City council ang 25 ka tuig nga lease contract sa 858 department store, nga ma-oy nag-okopar sa kapin 7 thousang square meter nga luna sa merkado sa cogon nga ila lamang girentahan sa tag 15 pesos per square meter per month.
Gibutyag ni Cabanlas nga disadvantageous ang lease contract sa 858 kay ang mga kabus nga vendors sa Cogon market nag-rental sa city hall sa tag 15 pesos per square meter per day.
Matud ni Cabanlas nga dapat bawion sa administrasyon ni Mayor Oscar Moreno ang kontrata tali sa 858 department store ug ang ilang puwesto nga gi-okopahan sa merkado sa cogon, ihatag sa kabus nga mga vendors.
Gusto ni Cabanlas nga bawion usab ni Mayor Moreno ang kontrata tali sa city hall ug Unitop sa Carmen Pblic Market ug ang Build Operate and transfer scheme contract, tali sa Mega farm development Corporation nga maoy nag-operate karon sa Agora public Market ug Bus Terminal sa Lapasan sulod sa 25 ka tuig.
Gusto usab ni Cabanlas nga bawion ang Management sa Slaughter house sa Barangay Cugman nga gi-rentahan sa dagkong mga negosyante sa barato lamang nga presyo.
