General Santos City—Padayon ang pag-awhag ni Sarangani Provincial Health Officer Dr. Arvin Alejandro ngadto sa katawhan nga mokooperar sa gobyerno sa unsa mang mga protocol ug mga order nga ginapatuman sa matag LGU sa tumong nga aron maproteksyonan ang ilang kinabuhi sa dili makitang kalaban nga mao ang corona virus.
Matud pa ni Dr. Alejandro nga kung dunay ginabati sa lawas ang usa ka tawo kinahanglan nga ipahibalo gilayon sa mga BHERTS o si kinsa mang mga opisyales aron nga gilayong maaksyunan ug mahibaw-an kung angayan bang ipailawum sa home quarantine.
Ug kon mapailawom man galing dili usab angay nga ikasuko sa tawo tungod kay alang kini sa kaayuhan sa ilang kinabuhi.
Lisod ang kahimtang sa tawo nga mataptan sa maong virus tungod kay dili makaduol ang pamilya samtang anaa sulod sa ospital, sumala sa Doktor.(RV)
