Kalibo, Aklan — Kapin sa P50,000 pesos rong nahabuoe sa sangka Korean national matapos nga mabiktima it salisi sa isla it Boracay.
Ro biktima nakilaea kay Lee Nam Young, 50-anyos ag temporaryo nga naga dayon sa sangka hotel sa Brgy. Yapak sa nasambit nga isla.
Sa panaysayon it biktima sa Boracay Torist Assistance Center (BTAC) nga natabo rong insidente samtang imaw ra naga lingkod sa sueod it sangka fastfood chain ag nagahueat it anang tour guide para sa igapatigayon nga island activities kat napan uhan na nga uwa eot-a ro anang bag.
Sueod ko nasambit nga bag rong passport, credit cards, $316 Dollars, 60,000 Korean Won ag mahigit P 50,000.
Padayon pa makaron ro ginahimo nga follow up investigation it BTAC angot sa nasambit nga insidente.
Facebook Comments
