General Santos City—sikop sa operatiba sa Police Station 4 ang usa ka Korean national nga adunay Warrant of Arrest sa gipuy-an niini sa sa Villa Consuelo Subdivision, Jupiter Street, Barangay City Heights, Gensan.
Giila ang nasangpit nga si Suengwon Choi, 36, ulitawo, residenti sa nasangpit nga lugar.
Ala 1:15 ang takna sa hapon dihang gisikop kini sa awtoridad sa gipuy-an niini sa barangay City Heights pinasikad sa Warrant of Arrest sa kasong Direct Assault Upon an Agent of Person in Authority nga una nang gipagula sa Municipal Trial Court-11th Judicial Region, Branch 4, Davao City, pinirmahan ni Hon, Judge Jill Rose Jaugan nga dunay petsa nga May 2, 2013.
Wala na mipalag pa ang suspek human nga gipresentar kaniya ang warrant of arrest sa kasong iyang giatubang.
