Kraft bag-ong Davao City Director

5079

Davao City – Human sa pipila ka bulan nga pagpangita, duna nay bag-ong napili nga hepe sa Davao City Police Office (DCPO).

Kini mismo ang gikumpirma ni Philippine National Police (PNP) OIC Pol. Lt. Gen. Archie Francisco Gamboa atol sa interbyu sa Davao media kaniya.


Segun ni Gamboa nga base sa nahitabong hugot nga selection process, gipili ni City Mayor Sara Duterte-Carpio si Pol. Col. Kirby John Kraft nga bag-ong City Director.

Wala nasayod kung unsay ang rason sa pagpili ni Duterte-Carpio kang Kraft apan posibleng gumikan matud pa sa maayong track record niini.

Si Kraft membro sa PMA class 1994 kinsa kanhi Provincial Director sa Laguna ingon man Regional Chief sa Highway Patrol Group 3.

Sa laing interbyu kang outgoing DCPO director Col. Alexander Tagum, gibutyag niini nga andam na siya sa bag-ong gihatag nga responsibilidad kaniya sa Camp Crame isip Senior Executive Assistant ni Gamboa.

“I am ready anytime because I know the term limit is just only two years,” matud niini.

Alang kang Tagum, ang pinakadakong kalampuson sulod sa iyang tulo termino mao ang paghibalik sa syudad sa Davao isip Most Safest City sa tibuok nasud Pilipinas base sa international website group nga numbeo.com.

Oktubre 25, 2019, adlaw’ng Biyernes, gikatakdang himuon ang change of command ceremony sa Davao City Police Office (DCPO).

RadyoMaN Jason Amisola

Facebook Comments

From Advertisers