Davao City- Patay ang usa ka bayot human dunggaba sa makadaghan nga higayon sa usa ka wa mailhing lalake nga iyang gikauban sa Toril Plaza alas tres pasado sa kaadlawon.
Ang biktima mao si Modesto Tecno 58 anyos, single, nagpuyo sa Hillside Subdivision Bajada Davao City.
Nakit-an na lamang ni Alejandro Gabranino Jr. on duty nga CSU sa Toril District Hall niadtong tungora ang biktima nga nagpakitabang samtang nabulit na sa daghang dugo agi sa samad-dinunggaban.
Nakita usab sa testigong CSU ang usa ka wa mailhing lalake nga daling midagan sa ngitngit nga porsyon sa maong dapit ug miderestso sa Toril Public Market area.
Base sa pasiunang inbestigasyon sa kapolisan sa Toril, adunay gikalalis nga lalaki ang biktima ug gitohoan nga ang hinungdan niini mao ang wala pagsinabtanay sa bayad human sa ilang pag lipay-lipay.
Sa pagkakaron anaa na ang patay’ng lawas sa biktima sa Villa Funeral Parlor sa Toril ug gitakdang dalhon sa ilang pinuy-anan aron didto hayaon una pa ilubong.
Kasamang Erin Lumosbog
