Sultan Kudarat- Patay ang gikaingong Commander sa Bangsamoro Islamic Armed Forces(BIAF) sa MILF ug duha pa ka kaubanan niini atol sa gilusad nga search warrant sa Barangay Villamor, Ezperanza, Sultan Kudarat alas 4:45 sa kaadlawon.
Giila ang namatay nga si kumander Salipuri Sampulna alyas ‘Kumander Puri” ug alias “Morex” ug Alias Marcus.
Sa inisyal nga report sa Sultan Kudarat Police Office nasuta nga gipahigayon sa kapulisan ang search operation batok sa mga suspek kalabutan sa droga ug pusil apan nisukol matud pa ang mga nasangpit pinaagi sa pagsuway ug pabuto ug Granada mao nga napusilan sa kapulisan.
Narekober gikan sa lugar ang mga bala, duha ka Granada, ug siyam ka sachet sa gituohang shabu.
Facebook Comments
