General Santos City—Sikop ang kumander sa new People’s Army kon NPA nga si Nicanor Pason alias Costan, ug tulo pa ka mga kaubanan niining NPA nga silang si Josephine Sumagaysay, Renaldo Loyola ug Bernard Prespetero, atol sa gihimong operasyon sa 27th Infantry Battalion, 10th ID ug PNP Maitum sa Barangay Kalaong, Maitum, Sarangani Province alas 5:30 sa buntag niadtong nakalabayng adlaw.
Si Alias Costan, top NPA leader , nga naga-operate sa kabukirang bahin sa Sarangani, South Cotabato ug Sultan Kudarat, sila usab ang responsabli sa pipila ka mga teroristang lihok sa maong mga lugar.
Nasayran nga iserved lang unta sa awtoridad ang 10 ka warrants of arrest sa mga kaso ni Costan sama sa murder, multiple arsons ug uban pang terroristic activities apan nagdumili ang suspek diin misuway pa kini ug sukol pinaagi sa paglabay ug granada apan siya naunhan sa arresting team ug nasupilan.
Duha ka mga hand grenades, (5) ka blasting caps, cellular phones, (1) ka notepad, ug mga surbisibong dukumento ang nakumpiska gikan sa posisyon sa mga nasampit .
Samtang human nasamdan gilayon dayon nga gidala si Costal sa Maitum Municipal Hospital samtang ang mga kaubanan niining dinakpan ang gikustudiya karon sa Maitum PNP.
