Malabo na nga mabalik pa ang kwarta sang mga investors sang gina-alegar “rice investment scam”. Ini ang ginpahayag sa DYHB ni National Bureau of Investigation (NBI) Bacolod head, Atty. Renoir Baldovino may angut sa gina-alegar scam sa diin masobra P40 million ang involved nga kwarta kag isa ka gatos ang biktima.
Base sa eksperyensiya ni Atty. Baldovino sa mga kaso nga estafa, wala na nagakabalik ang kwarta sang mga biktima. Gani panugyan sini sa mga investors, indi na maglaom pa, kag magreklamo na sila opisina.
Aminado si Baldovino nga may pila pa ka mga biktima nga wala pa subong naga-reklamo bangud nga nagalaom pa ang mga ini nga mabalik ang ila investment.
Samtang, ginpahayag ni Baldovino nga kun may mga OFW nga nabiktima sang scam, mabudlay para sa ila nga magreklamo bangud dapat pormal nila nga i-submit kag pirmahan ang ila mga affidavits.
Apang kun may yara sila sang himata nga ginpa-agyan sang kwarta kag gin-invest, pwede ang mga ini magtindog nga complainants.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
