Gipangunahan sa Department of Labor and Employment kon DOLE Bukidnon Field Office ang selebrasyon sa ika-117 ka tuig nga labor day karong adlawa.
Sa rehiyon 10, ang dakong kalihukan himoon karon nga adlaw didto sa Limketkai Atrium sa Cagayan de Oro City diin adunay pagahimoon nga mega job fair.
Sa interview sa RMN Malaybalay ngadto kang Raul Valmores ang provincial director sa Department of Labor and Employment kon DOLE Bukidnon gibutyag niini nga adunay 51 ka mga kompanya ang musalmot sa mega job fair. Gawas ninii adunay livelihood display nga pagahimoon. Samtang ugmang adlaw Mayo 2 adunay himoon usab nga job fair didto sa Ayala Centrio Mall sa mao nga siyudad.
Matud ni Valmores nga adunay 16,000 ka mga bakanteng trabaho ang pwedeng applyan sa mga walay trabaho.
Tungod niini- gi-aghat sa DOLE ang mga taga Bukidnon nga mu-apply sa mao nga job fair nga himoon sa Cagayan de Oro City.
Gitambagan sa DOLE ang mga aplikante nga magdala sa mga musunod nga requirements: Resume, 2×2 ID photo, Photocopy ng mga training certificates, PRC license, Certificate of Employment, Diploma ug TOR. Daghan bakante matud pa gikan sa mga call center, security gards, construction, ug services. Samtang aduna usay mga pang- overseas nga trabaho. Gawas ninii adunay mga government posisyon vacancies usab ang itanyag sa PDEA, AFP ug DSWD.
Samtang dinhi sa Bukidnon adunay parada nga gihimo nga tambungan sa mga empleyado gikan sa pribado ug pampublikong buhatan.
Adunay programa usab nga himoon sa Kaamulan Open Theathre diin didto iapod-apod ang muakabat sa 7.4 milyon pesos nga livelihood assistance.
