General Santos City—Sikop sa Operatiba sa Police Station 5 ang usa ka Roy Pepito Jr., laborer, residenti sa Diamond Valley, Barangay Tambler, Gensan human nga nakuhaan ug pusil atol sa gihimong ronda sa kapulisan sa panimalay niini alas 9:00 ang takna sa gabie.
Unod sa search warrant nga gipagula sa korte ang kalapasan sa RA 10591 kon paghupot ug iligal nga armas ug bala human nakadawat ug report ang kapulisan nga matud pa adunay gihuptang armas ang nasampit nga suspek.
Narekober gikan sa iyang posisyon ang usa ka homemade nga single shotgun ug upat ka buhing bala.
Sa karon ang suspek naa na sa silda sa Tambler PNP ug takda na usab kini nga pasakaan ug kaso.
Facebook Comments
