Laborer gibugha sulod sa ilang panimalay

16

General Santos City—Patay ang usa ka laborer human kining gipusil sa wala pa mailhing suspek sulod mismo sa ilang balay sa may Purok Mudia, Barangay Labangal Gensan alas 7:30 ang takna kagabie.

Giila ang biktima nga si Johari Buluan, 40 anyos nga residenti sa samang lugar.

Sa inisyal nga imbistigasyon sa Police Station 2 nasuta nga samtang nagkaon ang biktima uban sa iyang pamilya kalit lang silang nakadungog ug buto sa pusil dungan sa pagkahagba sa biktima.

Dihang ilang gisuta duna nay samad pinusilan sa iyang ulo nga bahin ang biktima. Wala na kini gidala pa sa ospital human nga on the spot kining gibakwian sa iyang kinabuhi human napuruhan sa pagpamusil.

Sa karon ginasuta pa sa kapulisan ang motibo ug ang responsable sa maong krimen.

Facebook Comments