Pagadian City – Blangko pa ang kapulisan sa motibo sa ulahing kaso sa pagpamusil nga nahitabo sa syudad sa pagadian nga gikamatay sa 43 anyos nga laborer alas 11:00 kagabii dihang dapita sa Gate 11, Agora Market, Brgy. Sta. Lucia, Pagadian City.
Giila sa kapulisan ang biktima nga si Warlito Basalo, residente sa Purok Talong, Barangay Balintawak ning dakbayan.
Sa interview sa RMN Pagadian kang Psupt. Benito Recopuerto gibutyag sa hepe nga nakig-inom pa ang biktima kauban sa iyang kapuyo nga nailing si Omalia Calinao lakip ang pipila ka kaubanan niini dihang kalit nga nibutho ang mga suspek nga sakay single motor og gipasidan-an ang mga nag-inum nga moundang kay lawom na ang kagabiihon.
Gidugang pa sa hepe nga wala manumbaling ang biktima rason nga nibalik ang suspek nga namadlong og sa walay langan gipusil ang biktima sa usa ka higayon diin igo ang ulo nga maoy hinungdan sa hinanali nga kamatayon.
Giawhag karon kapulisan ang mga nakasaksi sa hitabo nga mopakita alang sa paspas sa pagsulbad sa kaso.
Photo Courtesy to Pagadian City PNP
