Davao City – Mireklamo ang usa ka laborer sa dihang kalit siyang gisumbag sa iyang kauban sa trabaho samtang nagkuyog sila nga nag inom.
Complainant giila nga mao si alyas Junjun samtang ang ang susper mao si Marlon Meningo, hamtong ang pangidaron ug nagpuyo sa Barangay 5-A Madapo Hills Bankerohan ning syudad.
Sumala sa report, bandang alas 8:40 sa kagabhion nanghagad og inom ang suspek ddto sa ilang balay ug misugot ra sab si Junjun ug mikuyog niini gumikan dako ang pagsalig sa iyang higala.
Sa dihang nakainom na, kalit nagkalalis ang duruha tungod lamang sa hisgutanang hiwi matod pa ang poste nga ilang gimontar sa usa ka construction site nga ilang gitrabahoan.
Mitaas ug nagka init ang ilang panaglalis ang hantod misangpot kini sa pagsumbag sa nawong sa biktima hiungdan sa pagka angkon og samad sa iyang mata.
Sa mao nga panghitabo dali nanawag og assistance sa kapolisan ang biktima sa San Pedro PNP.
Temporaryo na karong gi custodiya ang maong suspek sa kapolisan ug magadepende sa complainant kun buot ba niya pasakahan ug kasong physical injury ang iyang higala nga respondent.
RadyoMaN Paul Canono
