GENERAL SANTOS CITY- Himas rehas sa mabugnawng selda ang laborer nga nasikop sa mga istambay human gikawatan ang panimalay sa 50-anyos nga dalaga niaging gabie sa Natividad Street, Barangay Lagao ning siyudad.
Giila ang suspek sa pangalang Naser Basen, 21-anyos nga nagpuyo sa Bula-Lagao Road samtang ang reklamante niini nailang si Priscilla Ignacio nga usa ka sales agent og residente sa nasangpit nga lugar.
Nigawas sa imbestigasyon sa kapolisan sa Lagao nga gisulod sa suspek ang pinuy-anan sa biktima og gitiuan kinig kutsilyo.
Nakasinggit matod pa ang biktima og nakapangayog tabang hinungdan nga naratol ang suspek og nisibat agi sa kusina.
Natunol matod pa sa suspek ang 10 mil pesos nga cash ngadto sa iyang kakuntsaba na naghuwat sa gawas.
Nisulay og ipsot ang suspek apan nakorner sa mga istambay sa lugar hinungdan gipusasan pag-abot sa nirespondeng pulis.
Kasong robbery ang atubangon sa maong suspetsado.
For more info’s and updates, like and share our official facebook account : www.facebook.com/ifm91.9Gensanofficial/
