Davao City – Arestado sa Sasa Police Station ang usa ka wanted nga laborer human halos usa ka bulan nga nagtago-tago gikan sa mga tinugyanan sa balaud.
Pasado alas12:30 sa udto dihang gisuhid sa mga warrant officer ug Intel operatives ang Paradise road, kilometer 9, Sasa ning syudad aron i-silbi ang orden de aresto nga gipagula niadtong Oktobre ning tuiga sa Regional Trial Court, Branch 33, ubos sa sala ni Judge Zarah Silvosa batok kang Nestor Labanda, 40 anyos, ulitawo, laborer, ug nagpuyo sa Emiville subd., Sasa, Davao City.
Si Labanda, nag-atubang sa kasong statutory rape ug walay girekomenda nga piyansa alang sa temporaryong kagawasan sa akusado.
Sigun ni Police Major Jake Goles, ang pagkasikop ni Labanda subay kini sa gipakusgan nga manhunt Charlie, simultaneous Anti-Criminality ug Police Operation karong bulana.
RadyoMaN Joel Viray
Facebook Comments
