Pagbalik sa f2f Davao Pasko Fiesta giatangan

Davao City – Usa lamang si Edna Nidea sa mga netizen nga excited na sa pagbalik sa mga aktibidad sa Davao Pasko Fiesta karong tuiga, kini human nga gipagula na sa Davao City Tourism Office ang mga nakalinyadang aktibidad nga magsugod sa Disyembre 1-25, 2022.

“Exciting diay ang Pasko sa Dabaw. Mabuhay ang Dabaw. Mabuhay, Mayor Baste. Merry Christmas, Davao City!” kumento niini.

Ang giandam nga mga aktibidad sa City Government of Davao alang sa Pasko Fiesta mao ang musunod: Dan-ag Davao ug Pag-abli sa Pasko, Pasko Fiesta 3D Wall Mapping, Pasko Pahalipay ni Santa, Panayegon sa Davao, Koro sa Pasko, Pasko sa mga Lumad ug Badjao, Pasko Kumbira sa City Hall, Pasko Song Writing Contest, Siyam ka Kaadlawon, Sayaw sa Pasko Fiesta, Banda Dasig, Pasko at Musika ng University of the Philippines Symphony Orchestra, Sayaw sa Pasko Fiesta ug Misa Dabawenyo.

Sa interbyu sa DXDC RMN Davao kang Angel Sumagaysay, Head sa Public Safety and Security Office (PSSO), gibutyag niini nga lauman ang full face-to-face activities sa Pasko Fiesta karong tuiga sanglit luag na usab ang restrictions batok Coronavirus Disease 2019 (COVID-19) dinhi sa dakbayan.

Sa pagkakaron, ginahan-ay na usab sa PSSO ang seguridad alang sa mga aktibidad sa Pasko Fiesta sa Davao.

RadyoMaN Kirby Manzon